Ceuk batur
kuring téh
bageur
Ceuk batur
kuring téh
béréhan
Ceuk batur kuring téh disiplin
Ceuk batur kuring téh jalmana keyeng
Ceuk cenah kénéh
Kuring jalmana apik
Ceuk cenah kénéh
Kuring jalmana bisa dipercaya
Ceuk cenah kénéh
Kuring jalma nu bisa mandiri
Ceuk batur
Ceuk cenah
Antara ceuk batur jeung ceuk cenah
Ieu kuring nu saéstu
Ieu kuring kareueus kuring
SimLim,
21 Oktober 2023
Nya anjeun lalaki pinilih
Lalaki nu mimiti aya na
lelembutan
Lalaki sajati nu bajuang keur
kuring sapiri umpi
Poho kacapé demi
kabagjaan nu dipikahéman
Nya anjeun lalaki pinilih
Sayaga tanding geusan makalangan
Nyanghareupan rupa-rupa
panangtang
Sangkan kulawarga anjeun waluya
Nya anjeun lalaki pinilih
Jadi tuladan dina sagala widang
Sumber inspirasi kuring
Sangkan teu éléh ku panéka jaman
Nya anjeun bapa kuring
Nya anjeun tangkal darajat kuring
Mugia salamina aya dina ginanjar
kawilujengan
SimLim, 21 Oktober 2023
